• 5.1. Os riscos da industria téxtil
• 5.2. Os riscos de certos procesos téxtiles e determinado tipo de maquinaria.
• 5.3. Conclusións

5.1. Os riscos da industria textil

• ATRAPAMENTOS, GOLPES E/OU CORTES producidos por máquinas con partes móbiles desprotexidas (sen resgardos).
  - Comprar máquinas seguras (que teñan o marcado CE).
  - Cumprir as normas de seguridade observadas polo fabricante.
  - Usar dispositivos de protección tipo defensa ou barreira.
  - Colocar interruptores de emerxencia accesibles que permitan parar a máquina inmediatamente.
  - Colocar pantallas para protexer os ollos contra os fragmentos dos elementos que poidan desprenderse das máquinas en caso de rotura.
  - Usar os EPI´S que sexan necesarios.
• GOLPES por movementos incontrolados de obxectos ou elementos das máquinas
  (envorco de cargas, caída de obxectos dende altura, caída de estantes, etc.).
  - Asegurar as cargas que se transportan para que non poidan escorregar nin caer.
  - Garantir a estabilidade dos amoreamentos, respectando a altura máxima.
  - Colocar varandas de seguridade arredor das plataformas e en calquera oco que poida existir no chan.
  - Suxeitar ou ancorar firmemente os estantes, colocando as cargas máis pesadas nos estantes máis baixos.
  - Non superar a capacidade de carga dos estantes.
  - Usar medios apropiados (escaleiras) para colocar ou baixar obxectos dos estantes.
• CAÍDAS de altura
  - Asegurar todos os elementos das escaleiras de man, colocar apoios antiesvaróns e poñer atención no ángulo de colocación e forma de utilización. As escaleiras de tesoira ou dobres, estarán provistas de topes no seu extremo superior e cadeas ou cables que impidan a súa abertura e non se deben utilizar como escaleiras de apoio.
  - Colocar nos altos ou zonas de traballo elevadas varandas, barras intermedias e plintos en todo o perímetro dos ocos.
  - Prohibir o uso de elementos inseguros para alcanzar lugares altos.
• CAÍDAS ao mesmo nivel
  - Arranxar os chans en mal estado
  - Eliminar a sucidade, papeis, graxas e obstáculos contra os que se poida tropezar.
  - Retirar os obxectos e ferramentas innecesarios que non se estean a utilizar.
  - Marcar e sinalar os obstáculos que non poidan ser eliminados.
  - Instalar a iluminación axeitada no lugar de traballo e nos pasos e accesos.
  - Usar calzado apropiado.
  - Eliminar os cables eléctricos, condutos e canalizacións do lugar de traballo.
• ELECTROCUCIÓN por contacto eléctrico
  - Realizar un control visual antes de comezar a traballar para detectar posibles defectos.
  - Utilizar sistemas de posta a terra e interruptores diferenciais.
  - Examinar periodicamente a instalación eléctrica por persoal especializado.
  - Non utilizar aparatos en mal estado ou danados pola humidade ata que o revise un electricista.
  - Non reparar avarías eléctricas. Isto debe facelo o persoal especializado. En caso de avaría, desconectar a tensión, sacar o enchufe e comunicar os danos para a súa reparación.
  - Evitar o uso de "ladróns".
  - Non utilizar aparatos eléctricos con mans húmidas.
  - Evitar limpar con líquidos un equipo conectado á corrente eléctrica e evitar as salpicaduras.
  - Desconectar os equipos antes de limpalos.
  - Conectar os equipos eléctricos a un relé de curtocircuíto.
  - O interruptor principal ten que estar accesible e libre de obstáculos.
  - O cadro de control debe permanecer pechado, con acceso unicamente para electricistas cualificados.
• EXPOSICIÓN a fontes de ruído
  - Comprar máquinas e equipos co marcado CE, tendo en conta o nivel de ruído que producen.
  - Revestir paredes e teitos con materiais que absorban o ruído.
  - Illar as fontes de ruído, instalándoas o máis lonxe posible das zonas de traballo.
  - Reducir o tempo de exposición do traballador mediante quendas de traballo, evitando o paso por zonas de alta exposición, etc.
  - Delimitar e sinalizar as zonas de exposición ao ruído.
  - Utilizar equipos de protección individual contra o ruído, provistos do marcado CE.
  - Informar os traballadores do risco que supón traballar con ruído.
• QUEIMADURAS por contacto
  - Sinalización axeitada.
  - Traballar en espazos o máis amplos posible.
  - Separar as áreas perigosas.
  - Illar termicamente as superficies quentes.
  - Utilizar equipos de protección individual co marcado CE.
• INCENDIOS
  - Dispoñer só da cantidade necesaria de materiais inflamables ou combustibles nas áreas de traballo.
  - Prohibir fumar en todo o recinto suxeito a risco.
  - Poñer unha instalación eléctrica antideflagrante.
  - Controlar e evitar a concentración de po, fibras en suspensión mediante extracción localizada.
  - Obedecer as instrucións do subministrador e do instalador de gases inflamables.
  - Colocar extintores de incendio axeitados á clase de lume.
  - Manter periodicamente os extintores e demais equipos contra incendios.
  - Instalar sistemas de detección e alarma.
  - Revisar e manter as instalacións eléctricas illadas e protexidas.
  - Sinalizar e deixar libres as saídas de emerxencia.
  -Realizar plans de emerxencia e evacuación e instruír os traballadores.
• MANIPULACIÓN de cargas e posicións forzadas
  - Sempre que se poida, automatizar e mecanizar os procesos.
  - Realizar a manipulación de cargas mediante técnicas axeitadas.
  - Cargar e transportar pesos pegándoos ao corpo e en posición ergueita.
  - Manipular as cargas con axuda doutras persoas.
  - Reducir o peso das cargas.
  - Redeseñar os postos de traballo e equipos.
  - Posibilitar os cambios de postura e os descansos durante o traballo nunha postura forzada.
  - Colocar os útiles e demais medios de traballo ao alcance da man.
  - Manter un espazo libre arredor da área de traballo, de acordo co tipo de máquina.
  - Manter corredores e zonas de paso libres de obstáculos.
  - Vixilancia periódica da saúde.
• MALAS CONDICIÓNS AMBIENTAIS
  - Abrir periodicamente as ventás para deixar entrar aire fresco.
  - Realizar pausas durante os traballos nos que o traballador está exposto a altas temperaturas.
  - Regular a temperatura mediante calefacción e aire acondicionado.
  - Manter e limpar axeitadamente os equipos de calefacción e aire acondicionado.
  - Realizar illamentos da calor e a humidade.
  - Humedecer o aire do local.
  - Evitar correntes de aire.
• RISCOS QUÍMICOS
  - Coñecer e dispoñer das fichas de seguridade dos produtos químicos.
  - Manter unha boa ventilación.
  - Buscar procesos alternativos para realizar o tratamento químico.
  - Utilizar luvas, lentes, cremas protectoras e máscaras.
• ILUMINACIÓN inadecuada
  - Adecuar a intensidade da iluminación ás esixencias visuais das tarefas.
  - Corrixir a iluminación de lugares escuros.
  - Eliminar ou apantallar as fontes de luz cegadoras.
  - Limpar periodicamente lámpadas e luminarias, para corrixir a baixa iluminación.
  - Evitar contrastes de luz.
  - Reparar as luminarias escintilantes.
• SITUACIÓNS estresantes
  - Planificar e coordinar os traballos tendo en conta o posible traballo extra.
  - Contratar persoal extra cando exista unha presión de tempo excesiva.
  - Facer pausas.
  - Dispoñer de medios e equipos axeitados.
  - Instruír acerca das novas técnicas e equipos.
  - Distribuír as vacacións.
  - Facer rotacións de postos.
  - Eliminar as primas de produción.
  - Non prolongar en exceso a xornada de traballo habitual e compensala con descanso adicional.
  - Seleccionar o persoal axeitado para cada tipo de traballo, tendo en conta a cualificación, experiencia, idade, estado de saúde,…
• RELACIÓNS inadecuadas
  - Delimitar as tarefas por actividades afíns.
  - Marcar prioridades nas tarefas, evitando solapamentos ou interferencias entre os traballadores.
  - Impedir as condutas competitivas entre os traballadores.
  - Informar periodicamente sobre a calidade do traballo realizado.
  - Motivar o traballador responsabilizándoo da súa tarefa.
  - Aclarar os problemas cos interesados.
• CONDUTAS PERSOAIS negativas ante os riscos
  - Promover a aceptación de medidas de seguridade.
  - Informar os traballadores de todos e cada un dos riscos ante os que se poidan atopar.
  - Planificar reunións con instrucións de seguridade, periodicamente.
  - Concienciar acerca da responsabilidade pola seguridade dos compañeiros.
  - Informar acerca dos equipos de protección individual e as consecuencias de non os utilizar.
  - Sinalizar os lugares de traballo especificando os EPI’S que se deben utilizar.
• ACTUACIÓNS ERRÓNEAS en caso de emerxencia
  - Instruír os traballadores sobre primeiros auxilios.
  - Dispoñer dunha botica de primeiros auxilios.
  - Sinalizar as vías de evacuación e saídas de emerxencia.
  - Realizar simulacros de evacuación.
• EQUIPOS DE PROTECCIÓN INDIVIDUAL
  - Informar acerca dos equipos de protección individual e as consecuencias de non os utilizar.
  - Utilizar os equipos de protección indicados para cada caso. Estes deben dispoñer do marcado CE.
  - Non utilizar EPI’S defectuosos ou caducados.
  - Garantir unha subministración axeitada das pezas que se necesiten.
  - Sinalizar os lugares de traballo especificando os EPI’S a utilizar.
• SINALIZACIÓN inadecuada
  - Sinalizar para chamar a atención acerca dun perigo, obriga, unha indicación, unha
  saída.
  - Sinalizar as vías de evacuación e saídas de emerxencia.