6 Clasificación e Etiquetaxe

Situación actual
A clasificación é un proceso para determinar os riscos fisicoquímicos na saúde humana e no ambiente dunha substancia química. A clasificación vai seguida dunha avaliación da etiquetaxe.

Na avaliación da etiquetaxe, os riscos determinados convértense en elementos de etiquetaxe (símbolos de advertencia, frases sobre riscos, frases sobre seguridade), que logo se incorporan na etiqueta do produto perigoso xunto cos datos sobre a súa composición.

Moitas das disposicións de REACH refírense e constrúense con base en normas sobre clasificación e etiquetaxe, por exemplo, o rexistro, a valoración da seguridade química, elaboración de fichas de datos de seguridade, a autorización e a restrición.

Nos próximos anos, as actuais directivas de clasificación e etiquetaxe substituiranse por un Regulamento de aplicación do Sistema Globalmente Harmonizado (GHS) das Nacións Unidas.