5. Identificación dos contaminantes. Normativa aplicable

Para proceder a unha correcta identificación e posterior cuantificación dos contaminantes químicos presentes nun determinado ambiente laboral, deberá establecerse unha secuencia de actuación, marcada polos seguintes pasos:

• Análise previa
  Consiste no estudo do proceso produtivo e na identificación dos posibles contaminantes químicos xerados por el, tales como materias primas manipuladas e substancias xeradas nunha parte intermedia do proceso e o produto final acabado.
  
• Establecemento da estratexia de mostraxe
  Deberá basearse na natureza dos contaminantes, nas características inherentes ao propio proceso produtivo (fases, operacións, etc.) e no tempo de exposición dos operarios.
  
• Mostraxe de campo
  Consistirá na medición directa ou na toma de mostras para a súa posterior análise no laboratorio.
  
• Vías de entrada dos contaminantes químicos
  
• Identificación dos contaminantes químicos
  Dende un punto de vista preventivo, calquera estudo ou avaliación dun posto de traballo debe partir do coñecemento da substancia ou das substancias que se manipulan ao xerar no citado posto. Así, é importante coñecer o nome químico e non só o nome comercial das substancias implicadas no proceso. A existencia dunha correcta etiquetaxe informativa, de acordo ao disposto na actual lexislación, é fundamental.

IDENTIFICACIÓN DE CONTAMINANTES

R 23 Tóxico por inhalación
R 45 Pode causar cancro
R 11 Facilmente inflamable

A ETIQUETA DE SEGURIDADE.

• Nome da substancia e a súa concentración.
• Nome de quen fabrique, envase, comercialice ou importe a substancia.
• Pictograma normalizado de indicación de perigo.
• Riscos especificos da substancia (Frases ‘R’ normalizadas).
• Consellos de prudencia (Frases ‘S’ normalizadas).

Neste sentido, no Real Decreto 99/2003 sobre a notificación de substancias novas e a clasificación, o envasado e a etiquetaxe de substancias perigosas apróbanse os símbolos e as indicacións de perigo das substancias e os preparados perigosos, as frases tipo que indican os riscos específicos derivados dos perigos destas substancias (frases R), e as frases tipo que indican os consellos de prudencia en relación co uso de ditas substancias (frases S). Todos os envases ou recipientes deben conter esta información esencial, co fin de advertir as persoas que manipulan ou utilizan ditas substancias.

As empresas dedicadas á fabricación, importación e comercialización de produtos téxtiles estarán obrigadas a observar as disposicións do Real Decreto 928/1987, relativo á etiquetaxe de composición dos produtos téxtiles. Todos os produtos téxtiles que se fabriquen, comercialicen ou distribúan no mercado español deberán satisfacer os requisitos establecidos no devandito RD.

Quedan excluídos de cumprir o indicado nesta norma:

• Os produtos téxtiles destinados á exportación a países non membros da comunidade económica europea, sen prexuízo das normas, que en relación co comercio exterior destes produtos se puidesen establecer.
• Os produtos téxtiles introducidos no país en réxime de tránsito, baixo control aduaneiro.
• Cando se lles entreguen a título non oneroso para a súa manufactura a traballadores a domicilio ou a empresas independentes que traballen subcontratadas.
• Os produtos importados de países non membros da comunidade económica europea e destinados ao tráfico de perfeccionamento activo.

Pola súa vez, esta información básica de cada substancia será complementada pola ficha de datos de seguridade FDS, que será elaborada polo responsable da comercialización da substancia ou do preparado perigoso. Os datos que deben figurar nestas fichas veñen recollidos no Anexo II (páx. L 136/84 REGULAMENTO REACH e ss).

Esta información, xunto con todos os datos dispoñibles sobre toxicidade, perigosidade, vías de entrada, efectos sobre o organismo, etc., permítennos realizar as análises do risco por exposición a estes contaminantes químicos.

5.1 – REGLAMENTO REACH
5.1.1. ¿A qué afecta o regulamento REACH?

5.1.2. ¿En qué afecta o Regulamento REACH aos usuarios intermedios?: como cumprir coas obligacións de usuarios intermedios a corto e a medio prazo.

5.1.3 ¿Haberá orinetacións para cumprir as obrigacións de Reach?: que deben facer as empresas.