15. A Etiqueta Ecolóxica

Nos últimos dez anos, a flor indicativa de etiqueta ecolóxica converteuse nun símbolo de alcance europeo que identifica os produtos e lless proporciona unha orientación simple e precisa aos consumidores. Todos os produtos que levan a flor foron verificados por organismos independentes que garanten o cumprimento de criterios estritos relativos ao ambiente e ás prestacións do produto.

A xestión da etiqueta é competencia do Comité de etiqueta ecolóxica da Unión Europea (CEEUE), co apoio da Comisión Europea e de todos os Estados membros da Unión Europea e do Espazo Económico Europeo (EEE). No Comité están representados a industria, os grupos de protección do medio e as organizacións de consumidores.

Na actualidade existen 26 grupos de produtos que abranguen 12 ámbitos importantes do sector da fabricación e unha actividade de servizos. Unha destas categorías é a de pezas de vestir, roupa de cama e téxtiles de interior.

A etiqueta ecolóxica nesta categoría significa que:

• - limitáronse as substancias prexudiciais para o medio acuático e a atmosfera no proceso de produción das fibras.
• - reduciuse o risco de reaccións alérxicas.
• - o produto non encolle máis que os produtos convencionais.
• - as cores do produto son tan resistentes ao lavado, á fricción de secado e á exposición á luz como os dos produtos convencionais

Na actualidade, só 3 produtos españois da categoría de pezas de vestir, roupa de cama e téxtiles de interior posúen dita etiqueta.