13. Sistemas de ventilación

• Sistemas de ventilación xeral:
  A ventilación xeral consiste na dilución do aire contaminado co aire limpo do exterior, co fin de controlar os riscos para a saúde, de incendio/explosión, olores, contaminantes molestos e ambientes industriais moi calorosos.
  
  A ventilación xeral pode ser natural, aproveitando o desprazamento orixinado polos ventos e a convección térmica, ou mecánica, que consiste en producir o movemento de aire por medios mecánicos como, por exemplo, ventiladores.
  
• Sistemas de ventilación localizada:
  Estes sistemas deséñanse para captar e eliminar o contaminante na súa orixe, antes de que se difunda o ambiente de traballo, e están constituídos, basicamente, polos seguintes elementos:
  - A campá.
  - Os condutos.
  - O equipo de depuración de aire.
  - O ventilador.

Hai que ter en conta que os contaminantes químicos de interese en hixiene industrial como poden ser gases, vapores, fumes pequenas partículas de po, móvense segundo o aire que os rodea, é dicir,compórtanse como se carecesen de peso e inercia.