25-01-2010-A firma de moda infantil, Pili Carrera, presentou a súa colección para o próximo outono-inverno 2010/11 na prestixiosa Pitti Imagine Bimbo de Florencia, que se celebrou do 21 ao 23 de xaneiro. Divertida, multicolor e con moitos detalles é a nova colección que Pili Carrera propón para abrigarse durante as baixas temperaturas.

Mais de 50 anos vestindo aos máis pequenos avalan á firma que nesta ocasión toma influencia dos contos infantís de princesas e cabaleiros, do mundo máxico e imaxinario dos máis pequenos. Prevalecen así as pezas que viran en torno ao gris, vermello, mariño, tostado e morado. Un estilo urbano e colexial inspirado nas fábulas de nobres cabaleiros.

Para a nenas aposta pola sinxela elegancia de sutís vestidos que combinan punto, tea, camisetas con aplicacións e pasamanería. Pezas moi invernais con tecidos como a pana, a franela ou o pano se alían en pichys e vestidos con volante no baixo e saias con volume; onde o pantalón cobre forza, xa sexa longo, pirata, bermuda ou short.

Para os nenos a firma elixe combinacións de cadros, tecidos lisos e mil raias en camisas en tons vermello, mariño, gris, morado e tostado. Polos bicolores acompañan aos pantalóns máis estreitos ou as bermudas de liña recta. Cunha ampla colección de exteriores abrigos, chaquetones, trenkas e gabardinas.  Cada vez máis, os complementos gaña importancia e así xorden gorros, bufandas, cintos e diademas moi traballados a xogo coa colección.